Mier sind vo de Stufe Samos und bis eus isch immer vill los...

Das isch euses Motto und well mier eus immer brav a das halted, sind au eusi Samschtig-Namitäg immer abwächsligsriich und nie langwiilig.

Mier, das sind 5 jungi und ei älteri Leiterin und eusi Schar vo Erscht- und Zweitklässlerinne. Mier gönd zäme uf Wältreis, erläbed vill Abentüür mit de chline Häx und händ au scho e Prinzässin grettet, also alles nöd ganz alltäglichi Sache. Bi all dene Abentüür brucht mer natürlich vill verschideni Talent, drum machemer au alles, vo im Wald umeränne über baschtle bis öpis über erschti Hilf lerne.

Wer?s wett bsundrigs lässig ha und im passende Alter isch (Jahrgang 1997/98) isch bi eus immer herzlich willkomme!